கடவுள் ஒரு பிரதமர் தமது மந்திரிகளுக்கு துறைகளை பிரித்து தருவது போல் உலகப் பொருட்கள் மீதான அதிகாரத்தை நவகிரகங்களுக்கு பிரித்துக் கொடுத்துள்ளார். (ஒரு பேச்சுக்கு நவகிரகங்கள் என்கிறோமே தவிர கிரகங்கள் 7 தான். ராகு,கேது கிரகத்தில் சேர்த்தியில்லை)
தமது ஒன்பது மந்திரிகளில் ஒருவரான சனிக்கு கடவுள் கொடுத்துள்ள போர்ட் ஃபோலியோவை பார்ப்போம்.
( ஏன் என்றால் சனி என்ற மந்திரி தங்களுக்கு வேண்டப் பட்டவராக மாறும்போது தம் துறைகளில் தானே உங்களுக்கு உதவ முடியும்)
சனி மனித உடலில் கால்கள்,நரம்பு,ஆசன துவாரங்களுக்கு அதிபராவார். (சனி பிடித்தால்/பிடிப்பதற்கு 6 மாதம் முன்பாகவே மலச்சிக்கல் ஆரம்பித்து விடுவது இதனால் தான் போலும்)
கருங்கல்,கிரானைட் தொழில், விவசாயம்,எருமைகள், எண்ணை வித்துக்கள்,கருப்பான பொருட்கள், கை,உடல்,துணிகளை அழுக்காக்கும் பொருட்கள்,தூசு , துர்நாற்றம் கிளப்பும் பொருட்கள்,செகண்ட் ஹேண்ட் பொருட்கள்.உடைந்த,குறையுள்ள பொருட்கள், செகண்ட் குவாலிடி பொருட்கள்,முதுமை, வெள்ளை முடி, வளைந்த முதுகு,முகத்தில் சுருக்கம், முடி உதிர்தல், முகத்தில் எண்ணை வடிதல்,எதிர்ப்பாலினரால் தொல்லை,அடிமைத்தொழில்,கிழிந்த ஆடைகள் அணிந்தவர்கள்,யூனிஃபார்ம் அணிந்த உத்யோகஸ்தர்கள், மரணம் தொடர்பான தொழில்கள்( காப்பீடு,அமரர் ஊர்தி) ,சிறைப்படுதல்,அவமானம்,தாமதம்,பி.சி,எஸ்.சி வகுப்பினர் இவற்றிற்கெல்லாம் சனியே அதிபதி.
பிறரை துன்புறுத்தி லாபம் பார்க்கும் தொழில்களும் சனி ஆதிக்கத்தின் கீழ் வருகின்றன.
