இந்த படைப்பே ஒரு விபத்து. மனித வாழ்வு அக்மார்க் விபத்து. ஒரு எலக்ட்ரானிக் உபகரணத்தில் ஆன்,ஆஃப் ஸ்விட்ச் இருப்பது போல் ஒவ்வொரு உயிரிலும் உயிர் வாழும் இச்சையும்,தற்கொலை இச்சையும் சேர்ந்தே உள்ளன. மனிதர்கள் வெவ்வேறு போர்வைகளில் செய்வது இரண்டைத்தான். 1.கொல்வது 2.சாவது. இவை இரண்டுமே செக்ஸ்,மற்றும் பணத்தில் கைகூடுவதால் தான் மனிதனுக்கு செக்ஸ் மற்றும் பணத்தின் மீது இத்தனை காதல்.
முக்தி என்பது என்ன? எண்ணங்கள் இறத்தலே முக்தி. செக்ஸில் ஆர்காசம் அடையும்போது எண்ணங்கள் இறக்கின்றன. ஒரு செகண்ட் ப்ளாக் அவுட் ஏற்படுகிறது. இதை மீண்டும் மீண்டும் பெறத்தான் மனிதன் செக்ஸில் ஈடுபடுகிறான்.
உயிர்வாழும் இச்சை படைப்புக்கு தூண்டுகிறது. படைப்பால் மனிதன் பார்ஷியலாக இறக்கிறான். டூ இன் வன். மனித உடலில் இருப்பது ஒரே சக்தி தான். அது காம சக்தி. அவனது செயல்பாடுகளை பொருத்து அது யோக சக்தியாக மாறுகிறது.
செக்ஸில்,பிள்ளைகள் பெறுவதில் முழுமையாக செலவழித்து விட முடியாத அளவுக்கு ஆண்மை உள்ளவனே படைப்பு தொழிலுக்கு வருகிறான். அங்கும் முழுமையாக செலவழியாத காம சக்தி தான் அவனை முக்திக்கு தூண்டுகிறது.
பணம்,செக்ஸ் உதவியால் ஒரு மனிதன் முழுமையாக சாகவும் முடியாது ,எதிராளியை முழுமையாக கொல்லவும் முடியாது. தியானத்தால் இவைஇரண்டுமே சாத்தியம். இந்த உண்மையை அனைவரும் அறிய முதற்கண் அவர்களுக்கு செக்ஸும்,பணமும் தங்கு தடையின்றி கிடைக்க வேண்டும். இவற்றை (ஒரு ஜோதிட ஆய்வாளனாக கிரகங்களின் பாதிப்புகளை, அவை வேலை செய்யும் விதத்தை அறிந்தவன் என்ற முறையில்) மக்கள் முழுமையாக, தங்கு தடையின்றி,சட்டப்பூர்வமாக,தரும வழியில் பெற உதவுவதே என் பதிவுகளின் நோக்கம்.
மனிதனுக்கு மரணம் என்றால் பயம். இருட்டு மரணத்துக்கு சிம்பல். தனிமை மரணத்துக்கு சிம்பல். இதனால் தான் ராத்திரியில் பவர் கட்டானால் கூட மின் நிலையங்களுக்கு போன் மேல் போன். இதனால் தான் 6 முதல் 60 வயது வரை மனிதன் காதலித்துகொண்டே இருக்கிறான். நீயே உன் ஒளியாக இரு என்றான் புத்தர். எத்தனை பேரால் இப்படி வாழ முடியும். ஏழ்மையும்,தனிமையும் மனிதனை வெருட்ட ஆரம்பிப்பதால் தான் மக்கள் பணம் பணம் என்று பறக்கிறார்கள்.ஈவ் டீசிங்,கற்பழிப்புகள்,கள்ள உறவுகள் எல்லாமே இதன் விளைவுதான்.
இதற்காகத்தான் ஆப்பரேஷன் இந்தியா 2000 திட்டத்தை தீட்டினேன். அதன் அமலுக்கு 1986 முதலாக உழைத்து வருகிறேன். பாலியல் தொழிலுக்கு சட்ட அங்கீகாரம் வழங்க வேண்டும் என்று தொடர்ந்து குரல் கொடுத்து வருகிறேன்.
தனது அடிமனதில் உள்ள ,அடிப்படை கோரிக்கைகள் (சாவது,சாவடிப்பது) செக்ஸிலோ,பணத்தாலே நிறைவேறாது, அது தியானத்தின் மூலம் மட்டுமே சாத்தியம் என்று மனிதன் அனுபவ பூர்வமாக உணர வேண்டுமானால் பணம்,செக்ஸ் முழுமையாக, தங்கு தடையின்றி,சட்டப்பூர்வமாக,தரும வழியில் கிடைத்தாக வேண்டும். என் நாடு சித்தர்கள் சூட்சும வடிவில் இன்றும் வாழும் பொன்னாடு. இந்நாட்டு மக்கள் அனைவருமே ஞானம் பெறவேண்டும். அதற்கு முதல் படியாக
பணம் மற்றும் செக்ஸை முழுமையாக, தங்கு தடையின்றி,சட்டப்பூர்வமாக,தரும வழியில் பெறவேண்டும்.
