Friday, August 19, 2011

ஜோதிட பால பாடம் :1


அண்ணே வணக்கம்ணே !

அவன் அவள் அது தொடரை ஆரம்பிச்ச பிறவு ஹிட்ஸ் குறைய ஆரம்பிச்சுருச்சு. ( ஜா.ரா ! எங்கே போறிங்க? ஸ்வீட் வாங்கவா ? வேணா வேஸ்ட்.. குறையறதுன்னா ஆயிரத்துலருந்து குறைஞ்சு 800 க்கும் 900 க்கும் இடையில காபரே ஆடுது .அவ்ளதான். அதனால புதுசா எதுனா கில்மா வசவு ஸ்பார்க் ஆகுதா ரோசிங்க. கமெண்ட் போட நல்லாருக்கும் )

ஹிட்ஸ் குறைஞ்சாலும் இந்த தொடர் ஆத்தாளுக்கும் நமக்கும் இடையிலான கனெக்சனை நல்லாவே தீட்டிருச்சு. இதுக்கு சின்ன உதாரணத்தை சொல்றதுக்கு மிந்தி ஜோதிட பால பாடம் கற்க வந்த பார்ட்டிங்களுக்கு ஒரு பம்பர் ஆஃபரை அறிவிச்சுர்ரன்.

இன்னையிலருந்து ஜோதிட பால பாடம்ங்கற இதே தலைப்புல தினசரி சில விஷயங்களை எழுதப்போறேன்.

அவன் அவள் அது தொடருக்கு பேர்லலா இதுவும் கன்டின்யூ ஆகும். அவன் அவள் அது தொடரோட 17 ஆவது சாப்டரை படிக்க இங்கே அழுத்துங்க.

இப்ப பாலபாடத்துக்கு போயிருவமா:

அண்ணே வணக்கம்ணே !

அனுபவஜோதிடம் சைட்டுக்கு வர்ரவுக சோசியத்துல எதுனா அடிப்படை மேட்டர் தேறுமான்னு வந்து வந்து ஏமாந்து போறாய்ங்கனு கேள்வி.அந்த மாதிரி பார்ட்டிகளுக்காக தொடர்ந்து பால பாடங்களை தர்ரதா முடிவு பண்ணியிருக்கம்.

ஆனால் இந்த பாடங்கள் வரிசைப்படி இருக்காது. இதெல்லாம் பொதுப்பலன் தேன். இங்கன குறிப்பிட்ட கிரகஸ்திதியை இன்ஃப்ளுயன்ஸ் பண்ணக்கூடிய வேறு ஏதாவது கிரகஸ்திதி உங்க ஜாதகத்துல இருந்தா இந்த பலன் மாறும்.

சனி தரும் பலன்:

தாமதமா கிடைக்கும் -அது ஏலத்துல வர்ர சொத்தாவோ - சோற்றுக்கில்லாத நிலையில் விற்கப்படும் சொத்தாவோ -கொலை /தற்கொலை நடந்த சொத்தாவோ -லாக் அவுட்ல இருந்த தொழிற்சாலையாவோ இருக்கலாம்.
லக்னாதிபதி+ராகு:
இது தங்களை ரகசியங்களுக்குள் புதைத்துவிடும். ஒரு காலத்துல அரசாங்க ரகசியங்கள் வெளி நாட்டுக்கு லீக் செய்யப்பட்டதாய் பரபரப்பு ஏற்பட்டது ஞா இருக்கலாம்.

கண்டதையும் ரகசியம் என்று குறிப்பிட்டு தொலைத்ததால் - ரகசிய காப்பு இயலாத ஒன்றாய் போனதால் இது இப்படி நிகழ்ந்தது

தாங்கள் கண்டதுக்கும் ரகசியம் மெயின்டெய்ன் செய்பவராக இருக்கலாம். ரகசியம்னா "எல்லாத்துலயும்" இது ஏறக்குறைய ராகு ஜன்மத்தில் இருப்பது போன்ற எஃபெக்டை தரலாம்.

பத்தில் கேது:
இங்கே கேது நின்றது நல்லதே. இது தொழில் உத்யோக துறையில் தோல்விகளை கண்டு அஞ்சாத மன நிலையை காட்டும்.அதே நேரம் செய்யும் வேலைகளில் புதுமையை புகுத்துகிறேன் பேர்வழி ஏகத்துக்கு குழப்பவும் செய்யலாம். மொத்தத்தில் சோம்பல் இருக்காது. நல்லதாவோ /பொல்லாததாவோ ஏதோ ஒன்னை செய்துக்கிட்டே இருப்பாய்ங்க.

4 ல் சனி+செவ்வாய்:

அந்த வீட்டில் துர்மரணங்கள் நிகழ்ந்திருக்கலாம். 100 சதவீதம் வாஸ்து பார்த்தே குடி போக வேண்டும். அந்த வீடு இடுகாடு, ஆடறுப்பு நிலையம், மார்ச்சுவரியை ஒட்டி அமைந்திருக்கலாம். பயம் வேண்டாம். வாஸ்து சரி செய்து கொண்டால் போதுமானது. தியானத்தில் உள்ள சிவனார், உக்ர ரூபமாக உள்ள அம்மன் படத்தை வைத்து வழிபட்டு வரவும்.

நான் வெஜ் அடிக்கடி சமைக்கவும். பிறரையும் அழைத்து உண்ணச்செய்யவும். இல்லாவிட்டால் எவ்ரி திங் ஓகே என்ற நிலையில் திடீர் என்று வேண்டாத சம்பவங்கள் நடக்கும்.




2/8 ல் ராகு கேது: அல்லது 2ல் கேது 8ல் ராகு:

ரெண்டுங்கறது நீங்க சாப்பிடற சாப்பாட்டை காட்டுது. கேது,ராகுன்னா தெரியுமில்லே .விஷம். ஒன்னு நீங்க பட்டினி துயர் தாங்காம விஷம் சாப்பிட்டுரனும் அ நீங்க சாப்பிடற சாப்பாடு விஷமா இறங்கனும். அதான் தலையெழுத்து.
பெண் ஜாதகத்தில் இது மாங்கல்ய தோஷம் எனப்படுகிறது. கணவன் ஜாதகத்தில் ஆயுள் பங்கமிருந்தால் அவர் உயிரே கூட போகலாம் என்பது இதன் பொருள். ஆயுள் பலம் உள்ள கணவர் அமைந்தால் மரணத்துக்கு ஒப்பான வறுமை வாட்டுவதை அனுபவத்தில் பார்க்க முடிகிறது.
இவருக்கு பேச்சு,வாய், கண்கள் வகையில் சில பிரச்சினைகள் வரலாம்.ஒவ்வொரு விஷயத்துக்கும் எதிர்த்து பேசுதல் அ பதில் பேச்சே இல்லாது மனதில் வைத்து குமைதல் ஆகிய குணமிருக்கலாம். குடும்பத்திற்கு பண நஷ்டம், கடன் ஏற்படலாம். பிக் பாக்கெட் போகலாம், கொள்ளை போகலாம், எவருக்கேனும் கொடுத்து ஏமாறலாம் குடும்பத்தில் கலகம் ஏற்படலாம்.
பரிகாரம்:
இதர மதத்தவர், இதர மொழியினர்,புதிதாக அறிமுகமாவோரிடம் எச்சரிக்கை தேவை. லாட்டரி, சினிமா , சாராய தொழில்கள் கூடாது. ஏற்றுமதி இறக்குமதி தொழில் கூடாது. இருட்டில், இரவில் செய்யும் தொழில்/வேலை கூடாது.விஷ பூச்சிகள் உள்ள இடங்களில் தங்குதல் கூடாது. மெடிசின் எடுத்துக்கொள்ளும்போது ரொம்ப எச்சரிக்கை தேவை. ரியாக்ஷன் நடக்கலாம். ஃபுட் பாய்சன் நடக்கலாம். அன் வாரண்டட் மோஷன் , வாமிட்டிங்க் சென்ஸேஷன் கூட ஏற்படலாம். உடலில் இனம் புரியாத பலவீனம், வைத்தியர்களால் அறுதியிடமுடியாத பிரச்சினைகள் இருக்கலாம். கொடுக்கல் வாங்கலை தவிர்க்கவும். (வட்டிக்கு ஆசைப்பட்டு) கழுத்தில் ஒரு புறம் துர்கை மறுபுறம் கணபதி உள்ள டாலரை அணிந்து இவர்களை வழிபடவும்.பாம்பு வடிவ மோதிரம் அணியவும். வேப்பந்துளிர் சாப்பிடவும், அருகம்புல் ஜூஸ் குடிக்கவும்.

புதன் ஜாதகத்துல சுப பலமா இருந்தா:
எவ்வித முதலும் இன்றி தன் தொடர்புகளை பயன் படுத்தியே தரகு, கமிஷன், ஏஜென்ஸி வகையறாவில் பணமீட்டுவார். பேச்சுத்திறமை, வாய் சாலக்கு பொது அறிவை வைத்தே வைத்தியம் ,கல்வி,கணிதம், மீடியா, போஸ்டல், கூரியர், எஸ்டிடி, கம்யூனிகேஷன்ஸ், மக்கள் தொடர்பு, ஃப்ரண்ட் டெஸ்க் ஜாப்ஸ், மருந்தகம், வருமான வரி, விற்பனை வரி விற்பனைட் துறையை தேர்வு செய்து கொண்டால் சாதனை படைக்கலாம்.
நல்ல நேரம் கெட்ட நேரம் வித்யாசம்:
கெட்ட நேரம்ங்கறது முயற்சிகளை செய்யற நேரம். நல்ல நேரங்கறது அந்த முயற்சியின் பலனை அனுபவிக்கிற நேரம்.
கெட்ட நேரத்துல நல்ல வேலைய செய்தா அது இன்றே கடைசி கணக்கா தொடரவே தொடராது. நல்ல நேரத்துல நல்ல வேலைய செய்தா அது இன்னைக்கு ஒன்னு நாளைக்கு 10 ன்னு பெருகும். இதான் வித்யாசம்.

2 ஆமிடம் கெட்டால்:
வாக்கு தவற வேண்டி வர்ரது, நிஷ்டூரமா பேசிர்ரது, வாக்கு கொடுத்து மாட்டிக்கிறது, நீங்க நிஜமே சொன்னாலும் பொய்யா போயிர்ரது, பொய் சொன்னா நிஜமாயிர்ரது. குடும்ப கலகம். சாப்பாட்டுக்கே கஷ்டம், கண் நோய்.
2ஆமிடம் சனியால் கெட்டால்: (தன்னிலை)
நீங்க சுடு சோறே சாப்பிடாத படிக்கு பண்ணுவன். கொடுக்கல் வாங்கல்ல பயங்கர தாமதம் ஏற்படும். கொடுத்ததுல நிறைய பணம் திரும்பி வரவே வராது

சந்திரனால் வரும் பிரச்சினைகள்:
சஞ்சல ஸ்வபாவம், முடிவெடுக்க ஊசலாடும் நிலை ஆகியன உங்கள் புத்தியை மறைத்து சிக்கலில் மாட்டிவைக்கும். சில நேரங்களில் மித மிஞ்சிய தைரியம், சில நேரங்களில் இனம் புரியாத பயம் அலைக்கழிக்கும். முக்கியமாக அவ்வப்போது மூட் அவுட் ஆதல், எளிதில் எரிச்சல்,கோபம், தாய்வழியில் நட்டம், ஜல கண்டம், சீதள் நோய்கள், நுரையீரல், சிறு நீரகம் தொடர்பான பிரச்சினைகள் ஏற்படலாம். பொது வாழ்வு உதவாது.செய் தொழிலில் ஸ்திரத்துவம் இராது. இடமாற்றம் ,சீட் மாற்றம் இருக்கும். இந்த வருடம் விட்டுரலாம்,அடுத்த வருடம் விட்டுரலாம் மாதிரியே இருக்கும். தொழில் ஆர்வமும் 15 நாள் ஓகோ, 15 நாள் அடச்சீ என்றாகிவிடும்.
ஜாதகர் சில நேரங்களில் கஞ்சனாகவும் ,சில நேரங்களில் வீண் செலவுகள் செய்பவராகவும் இருப்பார். அமாவாசைக்கு பிறகான 10 நாட்கள் சுப செலவுகள் செய்வார். பவுர்ணமிக்கு பிறகான 10 நாட்கள் மிச்சம் பிடிக்க பார்த்து அல்லல் அலைச்சலுக்கு ஆளாவார்.திடீர் பயணங்கள் ஏற்படலாம்.சில சமயம் க்ஷண நேரத்தில் முடிவெடுத்து ஆண்டு கணக்கில் வருந்துவதும் நடக்கலாம்.தங்கள் பிரச்சினைகளில் அதிகம் மானசிகமானவையாகவே இருக்கும். "என்னமோ தோணுச்சு செய்தேன் எனும் ரகம்"
அடிக்கடி வீடு மாறுதல் அ வீட்டு நிதி நிலை மாறுதலை காட்டும். எல்லா வகையிலும் எவ்ரி டூ இயர்ஸுக்கு பெரும் மாற்றம் தெரியும். வாகன விசயத்திலும் பெரும் ஏற்ற இறக்கம் இருக்கும். சில காலம் சொத்துக்களை விற்று வாழும் நிலையும் ஏற்படலாம். அதே சமயம் திடீர் தனலாபம் ஏற்பட்டு சொத்து வாங்கும் சூழலும் ஏற்படும் இல்லாத பொல்லாத சென்டிமென்ட்ஸ் இருக்கும் சில சமயம் அவை அச்சு அசலாக நிஜமாவதும் உண்டு..

கருத்து சொல்லுங்க:

என் கணிப்புகளை பற்றின உங்க கருத்துக்களை சொல்லுங்க. என்னை பொருத்தவரை ஜோதிஷம் என்ன சொல்லுதுங்கறது முக்கியம் கிடையாது. உங்க அனுபவம் தான் முக்கியம். அதனால தான் என் ஜோதிஷத்துக்கு அனுபவ ஜோதிஷம்னு பேர் வச்சிருக்கேன். இன்னைக்கு நான் சொல்லியிருக்கிற கணிப்பு 1989 முதல் பல்லாயிரம் க்ளையண்ட்ஸோட அனுபவத்துல புடம் போட்டது தான். உங்க அனுபவம் ஏதேனும் திருத்தங்களை சொன்னா அதையும் ஏத்துக்க தயாரா இருக்கேன்