Wednesday, June 22, 2011

2011 சனிப்பெயர்ச்சி பலன் : எக்ஸ்க்ளூசிவ்

இந்த ஆண்டு இறுதியில் சனி கன்னியிலிருந்து துலாவுக்கு பெயர்கிறார்.அதுவரை கன்னியில் உள்ள சனி தரும் பொதுப்பலனையும் - மேஷம் முதலான 12 ராசிக்காரர்களுக்கு நடைபெற கூடிய பலனையும்  பார்ப்போம்

என்ன இன்னம் 6 மாசம்தானே இருக்கு இதுக்கு ஒரு பதிவு தேவையான்னு சலிச்சுக்காதிங்க பரீட்சைக்கு வருசம் முழுக்கவா படிக்கிறோம். கடேசி 3 மாசத்துல படிச்சு கிழிச்சுரலை. அதே மாதிரிதான் இதுவும். விவரம் புரியாம சனிப்பெயர்ச்சி காலத்தை வீணடிச்சுட்டவுக இந்த ஆறுமாசம் ஒரு பிடி பிடிச்சா போதும் தூள் பண்ணலாம்.

என்ன பதிவுக்கு போயிரலாமா?

பொதுப்பலன்:
கன்னி என்பது புதனுடைய ராசி. ஒன்றுக்கு மேற்பட்டோர் இணைந்து செயல்படும் விவகாரங்கள், பிறரின் விவகாரங்களை அவர்களது பிரதி நிதிகளாய் இருந்து நடாத்தி கொடுக்கும்  நிறுவனங்கள் கம்பெனிகள் அனைத்துமே புத காரகத்வம் கொண்டவைதான் என்றாலும் சிறப்பாக கல்வி,மருத்துவம்,மீடியா,ஸ்டேஷ்னரி,போஸ்டல், டெலி கம்யூனிகேஷன், அக்கவுண்டிங், ஆடிட்டிங், ஏஜென்சி,டீலர்ஷிப் ஆகியன் புத காரகத்வம் கொண்டவையாகும்.

சனி இங்கு நின்றதால் தான் போர்டு,ஏஜென்ஸி,கம்பெனிகள்,டெலிகம்யூனிகேஷன் தொடர்பான ஊழல்கள் ஒவ்வொன்றாக வெளிப்பட்டு வருகின்றன .உ.ம் கல்மாடியின் காமன்வெல்த், அம்பானிகளின் கேஜி பேசின் இவை இந்த ஆண்டு இறுதி வரை தொடரக்கூடும். பத்திரிக்கையாளர் கொலைகளுக்கும் இதுவே காரணம். மத்திய கணக்குக்குழு ஒவ்வொன்றாய் அதிர்வேட்டுகளை போட்டுவரவும் இதுவே காரணம். மருந்து ஆயுவு பெயரில் ஆந்திரத்தில் நடந்துவந்த ஃபார்மா கம்பெனிகளின்  முறைகேடுகள் ஆந்திரத்தில் பெரும்புயலை கிளப்பி உள்ளன.

தமிழகத்தில் சமச்சீர் கல்வி உண்டா இல்லையா என்ற விவாதத்துக்கும் - தனியார் கல்வி கட்டண முறைப்படுத்தல் தொடர்பான விவாதங்களுக்கும் இதுவே காரணம். கலைஞர் டிவி கூட புத காரகத்வமே.

இவ்ளோ எதுக்கு ஐ.நா சபை கூட புத காரகத்வம் தான்.யுனைட்டட் ஸ்டேட்ஸ் எனப்படுவதால் அமெரிக்காவும் புத காரகத்வமே.இவை இந்த ஆண்டு இறுதி வரை தொடரக்கூடும்.

புதனுடயகாரகத்வங்கள் என்னனு புதனே சொல்றார். இந்த காரகங்களில் கன்யா புதன் எப்படியெல்லாம் ஆப்பு வச்சிருக்காருனு கமெண்ட்ல சொல்லுங்க (இதான் ஹோம் ஒர்க். இதை  செய்யாதவுகளுக்கு அனுபவ ஜோதிட ரத்னா விருது நிச்சயம் கிடையாது)

புதியவர்களைத் தொடர்பு கொள்ளும் திறமை, மனதிலிருப்பதை எதிராளிக்கு விவரிக்கும் திறமை, போஸ்டல், எஸ்.டி.டி. கூரியர், ஜோதிடம், ஏஜென்சி, கன்சல்டன்ஸி துறைகளில் வெற்றி ஆகியவற்றை வழங்குவது நானே. மனிதனின் தோல், ஆண்களுக்கு விரைகள், பெண்களுக்கு சினைப்பைகள் ஆரோக்கியமாக இருக்க உதவுவதும் நானே. கணிதத்திறமை, மருத்துவத்தொழில் வியாபாரத்துக்கும் அதிபதி நானே. முன்பின் அறிமுகமில்லாத இருவரைச் சேர்த்து வைக்கும் எந்த தொழிலும் என் அதிகாரத்துக்குட்பட்டதே. விற்பனை பிரதிநிதிகள், மார்க்கெட்டிங் ஊழியர்கள், திறமையான பேச்சாளர்கள் என் பலத்தில் ஜொலிப்பார்கள். கூட்டுறவு அமைப்புகள், அரசு சார் நிறுவனங்கள், கூட்டு வியாபாரங்கள், பப்ளிக் லிமிடெட் கம்பெனிகள் யாவும் என் அளுமைக்குட்பட்டவையே. கருத்தரங்குகள், நாடக அரங்குகள், பூங்காக்கள், கருத்துப்பரிமாற்றத்துக்கு உதவும் தெருமுனைக் கூட்டங்கள் யாவுக்கும் நானே அதிகாரி. ஒவ்வொரு ஊரிலும் இருக்கும் பஜார் தெருக்கள் என் ஆளுமைக்குட்பட்டிருக்கும். புத்திக்குழப்பம்- த்தப்பிரமையை தருவதும் நானே. தாய்மாமன், மாமனாருக்கும் காரகன் நானே.

இந்த கன்யா புதன் மேஷாதி மீன ராசிகளுக்கு என்னவிதமான பலன் தருவாருனு சுருக்கமா பார்ப்போம்.

சனி அவரவர் ராசிக்கு 3,6,10,11 ராசிகளில் இருந்தால் நன்மையை தருவார் என்பது பொதுவிதி.தற்போது சனி வந்து அமர்ந்துள்ள கன்னி  கடகத்துக்கு  3 ஆமிடம். மேஷத்துக்கு 6  ஆமிடம். தனுசுக்கு 10 ஆமிடம். விருச்சிகத்துக்கு 11 ஆமிடமாகும்.

ஆக கன்யா  சனி பொதுவிதிப்படி கடகம், மேஷம்,தனுசு,விருச்சிக ராசிகளுக்கு நன்மை தரும் நிலையில் உள்ளார். மற்ற ராசியினருக்கு தீமை செய்யு நிலையில் உள்ளார் என்று கொள்கை அளவில்(?) கூறலாம்.


ஆனால் நடைமுறையில் பார்க்கும் போது இது மிக மிக தவறானதாகும். பொது விதி எனும்போதே சிறப்பு விதியும் இருப்பதாகத்தான் பொருள்.சிறப்பு விதியின் படி பார்க்கும் போது பலன் தலை கீழாய் மாறவும் வாய்ப்புள்ளது.

சனிப் பெயர்ச்சி பலன்கள் என்றதுமே ஒவ்வொரு ராசிக்கும் தனி தனியாக பலன் எழுதிவிடுவது தான் வழக்கமாக உள்ளது. அப்படி எழுதும்போது ஒவ்வொரு வாசகரும் 12 ல் ஒரு பாகத்தை மற்றுமே படிக்கிறார். மற்ற 11 பாகங்களை அலட்சியப்படுத்திவிடுகிறார்.


ஆகவே அனைவரும் சனி குறித்து தெரிந்து கொள்ளவேண்டிய முக்கிய விஷயங்களை பொதுவில் சொல்லி விட்டு பிறகு வேண்டுமானால் ராசி வாரியாக பலன்களைப் பார்ப்போம். (சனியே சொல்கிறார்)

ஒட்டிய கன்னம், கூன் விழுந்த முதுகு, உள் வாங்கிய கண்கள், கால்கள், பொறுமை, நீண்ட கால திட்டங்கள், விவசாயம், சுரங்கத்தொழில், எண்ணெய் செக்கு, எருமை, தலித் இன மக்கள், தொழிலாளர்கள், இரும்பு, கருங்கல், கிரானைட், எண்ணெய் வித்துக்கள், துர்நாற்றம், தூசு கிளப்பும் தொழில்கள், கைகள், உடைகளைக் கறையாக்கும் தொழில்கள், மக்களை கசக்கிப் பிழியும் தொழில்கள் (கந்துவட்டி-கொத்தடிமை), வழக்கறிஞர், பழைய பொருட்கள், ஸ்கிராப், மேற்குத்திசை, கருப்பு நிறம் இவற்றிற்கெல்லாம் நானே அதிபதி. சோம்பல், மந்த புத்தி, நரம்புகள், ஆசனம், மரணத் தொடர்பாய் கிடைக்கும் நிவாரணம் இவையும் என் அதிகாரத்தின் கீழ் வருபவையே. க்ளாஸ், போர் ஊழியர்கள், தொழிற்சங்கங்கள், கசப்பான பொருட்கள், அருவருப்பான பொருட்கள், தாமதம், நீண்ட ஆயுள், பிரிவு, துக்கம், அடிமையாதல், சிறைப்படுதல், மலச்சிக்கல் இவற்றிற்கும் நானே அதிகாரி.

நான் பொதுவிதி+சிறப்புவிதிகளின் படி அனுகூலமான நிலையில் சஞ்சரிக்கிற போது  மேற்சொன்ன எனதுகாரகத்வங்களில் நல்ல பலனை தருகிறேன். பிரதிகூலமான நிலையில் சஞ்சரிக்கிற போது மேற்சொன்ன காரகத்வங்களில் தீய பலனை தருகிறேன்.

என் தன்னிலை விளக்கம் (சனி ஸ்பீக்கிங்)

செவ்வாய்க்கு அடுத்தபடியாக என்னைப்பற்றிய வதந்திகள் தான் அதிகம். நான் ஆயுள்காரகன். என் வேலை உங்கள் ஆயுளை அதிகரிப்பது. ஆயுள் எப்போது அதிகரிக்கும்? நான் பிரதிகூலமாகச் சஞ்சரிக்கும் எல்லா காலத்திலும் மனிதனின் ஆயுளை அதிகரிக்கிறேன். நோய் வராது என்று சொல்வதற்கில்லை. அதே நேரம் நோய் என்பதே மனித உடல் ஆரோக்யமாக உள்ளது என்பதற்கான அறிகுறி என்னும் இயற்கை வைத்திய விதியை இங்கு நினைவு படுத்திக்கொள்ளுங்கள். மனிதன் நான் அனுகூலமாக சஞ்சரிக்கும் காலத்தில் அளவுக்கு மீறிய சுகங்களை அனுபவித்து அஸிமிலேஷன் (தண்ணீர், காற்று, உணவு உட்கொள்ளுதல்), எலிமினேஷனில் (வியர்த்தல், மல, ஜலம் கழித்தல், கரியமில வாயுவை வெளிவிடுதல்) தடைகளை ஏற்படுத்திக்கொள்கிறான். உடலில் சேர்ந்து போன மலினங்கள் கடும் உடல் உழைப்பினால்தான் உடலால் திரட்டப்படுகிறது. அதை வெளியேற்ற உடல் செய்யும் முயற்சியே நோய்
பொதுவித்ப்படி ஓகே - சிறப்புவிதிப்படி நாட் ஓகேன்னா 35% ரிசல்ட் எதிர்பார்க்கலாம். பொதுவிதிப்படி நாட் ஓகே சிறப்பு விதிப்படி ஓகேன்னா 65% வரை ரிசல் எதிர்பார்க்கலாம்.

சனி அனுகூலமானால்:
நீங்கள் சுதந்திரர் - அடிமைத்தொழிலில் இருந்தாலும் உங்களை கண்டுக்கற நாயே இருக்காது. மலச்சிக்கல் இருக்காது. நீங்க ஆரம்பிக்கிற வேலை ஒன்னு பத்தா டெவலப் ஆகும். ( நல்ல +கெட்டவேலைகள்) உ.ம் ஒரு கடன் வாங்கினா அது இன் டைம் பைசலாகும் பத்து கடன் வாங்குவிங்க. ஒரு பொய் கேஸு போட்டா பத்து கேஸு போடுவிங்க.

ஆப்போசிட் செக்ஸ் அட் ராக்ட் ஆகும் அவிக கோ ஆப்பரேஷன் கிடைக்கும். சிஸ்டர் டைம் என்னனு கேட்டதுக்கு ஈவ் டீசிங் கேஸெல்லாம் தரமாட்டாய்ங்க. அகால போஜனம்,அகால நித்திரை,முகத்துல எண்ணெய் வழியறது, முடி உதிர்ரது மாதிரி லொள்ளெல்லாம் இருக்காது. என்றும் 16 கணக்கா வலம் வருவிக. நிமிர்ந்த நடை பழகும். நீங்க சம்பளமே தரலின்னாலும் தொழிலாளர்கள் கோ ஆப்பரேட் பண்ணுவாய்ங்க.

சனி பிரதிகூலமானால்:

சொந்த தொழிலிலே இருந்தாலும் கண்ட நாய்க்கு பயந்து நடக்கவேண்டியதாயிரும். வேலைகாரவுகளே ஆப்புவச்சிருவாய்ங்க. துவங்கின வேலை ஒன்னே ஒன்னு கண்ணே கண்ணுனு  நின்னுரும். ஆப்போசிட் செக்ஸால லோள்ஸ். அகால போஜனம் -அகால நித்திரை -பகல் கொட்டாவில்லாம் உண்டு.குடல் கல் குடலாயிரும். முகத்துல எண்ணெய் வழியும் முடி உதிரும் .சின்னவயசா இருந்தாலும் வெள்ளை முடி வரும். முகத்துல கிழட்டுத்தனம் வந்துரும். கூன் போட ஆரம்பிச்சிருவிக.

12ராசிக்காரவுகளுக்கும் ஒரு எச்சரிக்கை :

2011 இறுதியில் நடக்க விருக்கும் சனிப்பெயர்ச்சிக்கு ஜூன் மாதம் பலன் எழுதறதால சின்ன சிக்கல். இது சந்தியா காலம் மாதிரி. ஸ்தூலமா சனி கன்னியில இருந்தாலும் சூட்சுமமா பார்த்தா அவரோட கிரணங்கள் அடுத்த ராசியான துலாவை டச் பண்ண ஆரம்பிச்சுருச்சு. ( சனிப்பெயர்ச்சிக்கு 6 மாசம் முந்தியே இது துவங்கிரும் -இந்தகணக்குப்படி துவங்கியாச்சு)

ட்ரான்ஸ்ஃபர் ஆர்டர் வாங்கிட்ட ஐ.ஏஎஸ் அதிகாரி ரேஞ்சுல இப்பம் சனி வேலை செய்வாரு. சினிமா பாஷையில சொன்னா இன்னொரு ப்ராஜெக்ட்ல கமிட் ஆயிட்ட டைரக்டர் கணக்கா. பேட்ச் ஒர்க் எல்லாம் வேகமா நடக்க ஆரம்பிக்கும்.

ஏற்கெனவே நற்பலன் பெறும் நிலையில் இருந்து பெற்றுவிட்டவர்களுக்கு நற்பலனில் மந்தத்தன்மை ஏற்படும்.  சனி செய்த லொள்ளால நாறி நலிஞ்சவுகளுக்கு ரிலீஃப் கிடைக்க ஆரம்பிச்சுரும்.

ஒரு சில சிறப்புவிதிகள் காரணமா நற்பலன் பெறும் நிலையில் இருந்தும் பெறாது போனவர்களுக்கு இந்த 6 மாதத்தில் நற்பலன் கிட்டலாம்.

1.மேஷம்:
இவிகளுக்கு சனி 10,11 க்கு அதிபதி. இவர் 6 ல நின்னது பொதுவிதிப்படி ஓகேன்னாலும் சிறப்புவிதிகளின் படி நல்லதில்லை. ஆனாலும் சத்ருஜயம்,ரோக நிவர்த்தி ருணவிமுக்தி நிச்சயம் கிடைக்கும். அடுத்தவுகளை  இம்சை பண்ணி பார்க்கனுங்கற எண்ணம் வந்திருக்கும் .அதை விட்டுட்டு / குறைச்சுக்கிட்டு  கன்ஸ்ட் ரக்டிவா செயல்படறது நல்லது. மூத்த சகோதரம் நோய்வாய்படலாம்./அவிகளோட சண்டை சச்சரவு ஏற்படலாம்.


சடன் ட்விஸ்ட்:

இந்த பதிவை படிச்ச உடனே நம்ம லைன் அப் என்னனு உங்களுக்கு ஒரு ஐடியா கிடைச்சிருக்கும்.ஆர்வமுள்ளவர்கள் மிச்சமிருக்கிற 11 ராசிகளுக்கு சனிப்பெயர்ச்சி பலன் எழுதி பதிவா போடலாம். அ எனக்கு மெயில் பண்ணலாம்.  பலனை நீங்க எழுதிட்டா நம்ம ஸ்பெஷல் ஃபீச்சரான நவீன பரிகாரங்களை நான் எழுதிருவன், ஓகேவா உடுங்க ஜூட்.